बादल गुरुदेव के सम्मान मा

आदरणीय गुरुदेव चोवाराम बादल जी जन्मदिन के बधाई!

आपके बड़प्पन बर दू डाँड़:- दोहा

बड़का खुद ला कब कथे , मैं हा बड़का आँव।
फेर   सबो   झन   जानथे , पीपर   देथे  छाँव।।

रोला :- व्यक्तित्व पर चार डाँड़

बादल   चोवाराम , उड़ेला   गाँव   निवासी।
समझै उन साहित्य , अपन बर गंगा काशी।
बनके साधक  छंद , रचे  कविता कल्याणी।
सहज सरल हे व्यक्ति , बड़ा गुरतुर हे वाणी।।

मई माह इक्कीस , रहय दिन बादर बढ़िया।
देवसिंग घर आज , पहुँचगे  एक  नगरिया।
गोरस   धार  पियाय , सोन कुंवर महतारी।
खुशी  मनावय खास , उड़ेला के नर नारी।।

शुभकामना के शब्द :- उल्लाला

बनके बादल बरसत हवय ,
                जेन शिष्य कल्याण बर।
हे  परमेश्वर  करबे   कृपा ,
              अइसन व्यक्ति महान बर।।

बाधा  झन  आवै  कभू , जिनगी  के रफ्तार मा।
मिलय सबे शुभ चीज हा , तोला जी उपहार मा।।

कांटा  खूँटी  ले कभू  , होय  तोर  झन   सामना।
सदा सलामत प्रभु रखय , इही हमर शुभकामना।।

साधक : विरेन्द्र कुमार साहू